د زندانونو چارو د سمون ادارې د مقام سلاکار د کابل ولایت له نشه يي توکو سره د مبارزې توقیخونې څخه لیدنه وکړه
د زندانونو چارو د سمون ادارې د عمومي رئیس محترم مولوي محمديوسف "مستري" په سپارښتنه، د ادارې د مقام سلاکار محترم مولوي اسدالله "مولانا" تېره ورځ له یادې توقیفخونې څخه د دې لیدنې په ترڅ کې، له مسوولینو سره د مربوطه موضوعګانو په هکله بحث وکړ.
همداشان، نوموړي د کابل ولایت له نشه يي توکو سره د مبارزې توقیخونې د خوړو(اعاشې)، اباتې، برېښنا، تعمیراتي او روغتیايي چارې او بېلا بېلې برخې وارزولې او د شتو ستونزو د حل لپاره یې له اړوندو مسوولینو سره سلا مشورې وکړې.
داراز، محترم الحاج اسدالله "مولانا" د نوموړې توقیفخونې توقیفیانو سره هم له نږدې وکتل، د هغوی وضعیت یې وارزاوه او مسوولينو ته يې د هغوی لپاره د اسانتياوو پر زیاتولو او ستونزو او روا غوښتنو ته یې د رسېدنې لپاره لازمې لارښوونې وکړې.
رجب المرجب ۱۸/ ۱۴۴۴
د اطلاعاتو او عامه اړیکو امریت
