د زندانونو چارو د سمون ادارې رهبرۍ پلاوي د لغمان ولایت له زندانه لیدنه وکړه
د زندانونو چارو د سمون ادارې د رئیس محترم مولوي محمد یوسف "مستري" په سپارښتنه، د ادارې د مقام د سلاکار محترم مولوي اسدالله "مولانا" په مشرۍ او ارشاد او دعوت د رئیس محترم مولوي صدیق الله "صدیقي" او د بشري سرچینو د رئیس محترم قاري محمدګل "جګرخون" په ګډون یوه پلاوي لغمان ولایت ته سفر وکړ او لومړی یې د نوموړي ولایت له محترم والي سره په لیدنه کې پر اړوندو مسایلو بحث وکړ.
همداشان، پلاوي تر یادې لیدنې وروسته د محترم والي په ملتیا د دغه ولایت زندان ته ولاړ او د یاد زندان مسوولینو او پرسونل ته یې محترم مولوي عبیدالله د دې زندان د نوي مسئول په توګه معرفي او په چارو کې یې ورته د بریاوو هیله وکړه.
داراز، په دې اړه د جوړو شویو مراسمو ویناوالو د لغمان ولایت د زندان د مخکیني مسئول محترم نظر محمد کړنې او فعالیتونه وستایل او د یاد زندان له ملکي او نظامي پرسونل څخه یې له اوسني مسئول سره د همکارۍ او په ګډه د چارو ښه پرمخ وړلو غوښتنه وکړه.
همداشان، محترم الحاج مولانا او مل پلاوي یې د لغمان ولایت بندیانو سره له نږدې وکتل، د هغوی خبرې، ستونزې او غوښتنې یې واورېدې او په هره برخه کې یې ورته له اوصولو سره سم د رسېدنې ژمنه وکړه.
د یادونې وړ بولو، چې د ازادۍ سلب مرکزونو څخه د زندانونو چارو د سمون ادارې د رهبرۍ پلاوي او نورو مسوولینو د لیدنو موخه، د یادو مرکزونو د وضعیت ښه کول، ستونزو ته رسېدنه، بندیانو، توقیفیانو او محجوزینو ته د خدمتونو وړاندې کولو او اسانتیاوو برابرولو زیاتول، د چارو چټکوالی او په دې برخو کې د لاسته راوړنو بډاینه ده.
جمادي الاول ۱۹/ ۱۴۴۴
د اطلاعاتو او عامه اړیکو ریاست
