د زندانونو چارو د تنظیم ادارې نظامي مرستیال د پنجشېر ولایت د زندان لپاره نوی امر معرفي کړ
محترم لوی پاسوال الحاج محمد کاظم "طارق" تېره ورځ پنجشېر ته د خپل سفر په ترڅ کې د یو لړ مراسمو پرمهال محترم قاري خیر محمد "حقپرست" د پنجشېر ولایت د زندان د نوي امر په توګه معرفي او د خیر د دعا په کولو یې ورته د بریالیتوب هیله وکړله.
داراز، محترم لوی پاسوال الحاج محمد کاظم طارق د دغه ولایت د اوسني زندان له بېلابېلو برخو ارزونه وکړله او له مسوولینو یې د دې زندان د محبوسینو او محجوزینو د ساتنې او پالنې د وضعیت په اړه د معلوماتو تر حاصلولو وروسته هغوی ته د چارو د لا ښه تنظیم، د مسوولیتونو د پر وخت ترسره کولو او د زندان د چارو د ښه مدیریت په هکله لازمې سپارښتنې وکړلې.
په ورته وخت کې، محترم لوی پاسوال الحاج محمد کاظم طارق د پنجشېر ولایت د نوي زندان د کمپلېکس د رغنیزو چارو بهیر هم له نږدې ولید او د روانو چارو د تخنیکي پرمختګ او کیفیت په اړه یې د معلوماتو د ترلاسه کولو ترڅنګ، د هغو په معیاري توګه پر ترسره کېدو ټینګار وکړ.
ربېع الاول ۲۷/ ۱۴۴۸
د مقام د دفتر ریاست
د اطلاعاتو او عامه اړیکو امریت
