ولایتي خبرونه (پکتیا، بغلان) د پکتیا ولایت د مرکزي زندان له ښځینه بنديانو سره د ژمنيو، خوراکي او اړتیا وړ نورو توکو مرسته وشوه
د پکتیا ولایت د مرکزي زندان د رئیس محترم مولوي سهیل"سعید" په هڅو، د سولې او پرمختګ لپاره د برابرۍ موسسې له لورې د ژمنیو، خوراکي او اړتیا وړنورو توکو مرسته وشوه.
په یاده مرسته کې، د خیاطۍ دوه ماشینونه، کالي، جرابې، صابونونه، د غاښو کریمونه، بسکویټ جورابې او داسې نور لازم توکي موجود وو، چې د یاد زندان او موسسې د مسوولینو له خوا په پوره شفافیت د نوموړي زندان پر ښځینه بنديانو او د هغوی پر ماشومانو وويشل شول.
داراز، پکتیا ولایت د زندان رئیس د نوموړې موسسې څخه د دغې مرستې ورکړې په پار د مننې ترڅنګ زیاته کړه چې ښځې او ماشومان د ټولنې هغه قشر ده چې تر بل هر چا زیاتې مرستې او لاسنیوي ته اړتیا لري، له نورو بنسټونو څخه یې هم پدې برخه کې د پاملرنې غوښتنه وکړه.
په همدې حال کې، د ملګرو ملتونو وجهي صندوق یا یونیسف له لورې د بغلان ولایت د ماشومانو د اصلاح او روزنې مرکز د محجوزینو سره د ژمنیو توکو مرسته وشوه
د دې د ولایت د ماشومانو د اصلاح او رزونې د مرکز د مسوولینو په وینا، د یونیسف له لورې د دې مرکز ۳۰ تنو محجوزینو باندې یوه یوه جوړه بوټان او یو یو جمپر وویشل شو.
ربیع الثاني ۲۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
